UP-ja rikthen studentët e doktoratës që gjashtë vjet më parë i përjashtoi Senati

Një grupi prej gjashtë vetash i është dashur të presë gjashtë vjet për të gëzuar të drejtën e studimeve të doktoraturës në Universitetin e Prishtinës, të mohuar nga një vendim i Senatit këtij institucioni.

Në vitin 2013, dy javë pas publikimit të emrave të kandidatëve të pranuar, Senati i UP-së kishte vënë kritere shtesë për studimet e doktoratës, me ç’rast, mbështetur në to, disa prej tyre i kishte larguar nga lista, shkruan sot “Koha Ditore”.

Nëntë prej tyre kishin bërë padi. Gjykata Themelore e edhe ajo e Apelit kishin vendosur në favor të tyre duke e detyruar UP-në t’i pranonte në studimet e doktoraturës. Universiteti i kishte kthyer vetëm ata që kanë bërë padi ndaj vendimit të Senatit, por jo edhe ata që nuk e kishin ushtruar këtë të drejtë.

Kandidatët të cilët nuk kishin bërë padi kanë drejtuar ankesë në UP për mosrikthimin në listë, por u është refuzuar me arsyetimin se nuk kanë qenë pjesë e padisë.