Publikimi
Universiteti i Prishtinës nuk i publikon doktoraturat
Prorektori Faton Berisha premton se publikimi i doktoraturave do të bëhet, raporton T7
Universiteti i Prishtinës ka një kohë të gjatë që nuk ka përditësuar ueb faqen e saj me doktoraturat e reja.
Anipse Rregullorja për Studimet e Doktoraturës parasheh që secila doktoraturë e mbrojtur në Universitetin e Prishtinës të publikohet, një gjë e tillë nuk është bërë që një kohë të gjatë.
Që nga koha kur rektoratit e la Ramadan Zejnullahu, publikimi i tyre është ndaluar.
Janë qindra profesorë që ende nuk e kanë publikuar doktoraturën në ueb faqe, megjitëse ata vazhdojnë të japin mësim në UP.
E krahas profesorëve janë edhe dhjetëra studentë që kanë përfunduar studimet doktoratës në UP që nuk e kanë bërë një gjë të tillë.
Prorektori Faton Berisha thotë se menaxhmenti vazhdimisht kanë insistuar që doktoraturat të publikohen.
Nga ana tjetër, publikimi i doktoraturave rrit luftën kundër plagjiaturës…
Aulonë Memeti nga organizata Admovere thotë se mospublikimi i doktoraturave ka të bëjë më fshehjen e plagjiaturës.
Por, Berisha e mohon një gjë të tillë. Madje ai për Frontal jep edhe një premtim.
Në raportin e publikuar nga Admovere janë përmbledhur 16 raste të plagjiaturave të profesorëve, të cilët vazhdojnë të ligjërojnë në Universitetin e Prishtinës.
