UNDP, BE dhe komuna e Gjakovës shënojnë përfundimin e punimeve në Urën e Terezive

rogrami i Kombeve të Bashkuara për Zhvillim (UNDP) përmes projektit “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, i financuar nga Instrumenti i BE-së për Paqe dhe Stabilitet (IcSP/BE) dhe komuna e Gjakovës do të shënojnë përfundimin e punimeve në rehabilitimin dhe rregullimin e Urës së Terzive dhe hapësirës përreth të enjten, më 21 nëntor, me fillim në ora 16:00 pranë Urës së Terezive në Gjakovë.

Punimet filluan në korrik dhe vazhduan për katër muaj gjatë të cilave urës i është kthyer shkëlqimi I mëparshëm përmes rregullimit të hapësirës përreth, shëtitoreve të reja, elektrifikimit dhe shpjegimeve mbi historinë e urës.

Punimet në këtë urë janë edhe më të rëndësishme pasiqë janë zbatuar në partneritet me komunën pasiqë disa nga intervenimet e kryera në këtë lokacion janë financuar drejpërdrejt nga Komuna.

Ardian Gjini, kryetar i komunës së Gjakovës, Maria Suokko, Përfaqësuese e Përhershme e UNDP-së, Riccardo Serri, Zëvendës Shef i Zyres së BE-së, Burbuqe Bakija-Deva, Zëvendës Ministre e e Kulturës, Rinisë dhe Sportit, zyrtarë komunal, partnerë dhe qytetarë do të marrin pjesë në ngjarje.