U tha se do të jetë pjesë e “It’s My Love”, reagon Milaim Zeka

Mbrëmë Kika, duke folur për risitë në episodat e radhës të “It’s My Love”, ai tregoi se ish-deputeti dhe gazetari Milaim Zeka do të jetë pjesë e emisionit si analist.

“Kemi edhe dy ardhje nga “Për’puthen”. Është Ana dhe Berati, të cilët kanë qenë mjaft të komentuar. Kemi edhe ndryshimin e analistit, që javë për javë ka me qenë aty. Është analist e politikan, z. Zeka, pra Milaim Zeka”, tha Kika.

Por, vetë Zeka e ka mohuar se do të jetë pjesë e këtij emisioni. Në një prononcim për Express Rozë, Zeka ka thënë se Kikën e ka shok, por se s’do të jetë pjesë e emisionit të tij.

“Unë kurrë në jetën time nuk e kam shikuar emisionin “It’s My Love”, dhe nuk do të marr pjesë kurrë si analist në këto emisione si “It’s My Love” e “Për’puthen”, ka thënë Zeka.