Gjermani

U jepet lamtumira e fundit në atdhe, dy vëllezërve që u goditen nga treni në Gjermani

Arif Arifaj, babai i dy vëllezërve që u mbytën nga treni në qytetin Bruckberg të Gjermanisë, ka folur sot në varrimin e të bijve.

“Mua sot nuk me rrjedhin lotët për shkak të ngushëllimeve e përkrahjes se shqitarëve nga të gjitha anët”, ka thënë Arifaj.Fëmijët janë varrosur sot në fshatinë Ratishë të Deçanit.

Njoftimin e ka bërë kryetari i komunës së Deçanit, Bashkim Ramosaj përmes një postimi në Facebook.

Ramosaj me këtë rast edhe njëherë iu ka shprehur ngushëllime familjarëve të vëllezërve.

Sot në Ratish të Epërm të Komunës së Deçanit iu dha lamtumira e fundit, Hasan e Blerian Arifaj, të cilët ndërruan jetë aksidentalisht në Gjermani.

I lehtë iu qoftë dheu i Kosovës!

Ngushëllime familjes!”, ka shkruar Ramosaj.

Vëllezërit nga Deçani, Hasan dhe Berian Arifaj, humbën jetën tragjikisht në Gjermani pasi u goditën nga treni.

Ngjarja tragjike ndodhi ditwn e martë derisa po shkonin në shkollë.

Në këtë fatkeqësi, vëllai tjetër i tyre fatmirësisht shpëtoi.