Policia e Kosovës
U incizua duke tejkaluar në vijë të plotë derisa po voziste në rrugën Gjilan- Prishtinë, gjobitet shoferi
Policia ka pranuar një incizim, ku një person shihet duke bërë tejkalim në vijë të plotë në rrugën Gjilan- Prishtinë, më saktësisht në fshatin Bresalc.
Shoferi është gjobitur me 150 euro, dy pikë negative dhe masë të përkohshme të ndalim vozitjes në afat prej tre muaj.
“Njësiti rajonale i trafikut rrugor Gjilan falë bashkëpunimit me qytetarë, kanë identifikuar një kundërvajtës i cili gjatë drejtimit të automjetit të tij në fshatin Bresalc, aksi rrugor Gjilan- Prishtinë në bazë të video incizimi të pranuar në E-mail adresën zyrtare, shihet duke bërë tejkalim në vijë të plotë, me të cilin veprim rrezikon pjesëmarrësit e tjerë në trafik dhe bie ndeshë me rregullat e komunikacionit rrugor. Ndaj këtij kundërvajtësi është shqiptuar gjoba në vlerë prej njëqind e pesëdhjetë (150) euro, dy (2) pikë negative dhe masën e përkohshme të ndalim vozitjes në afat prej tre (3) muaj. Drejtoria rajonale e Policisë në Gjilan, inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected] dhe numrat kundestarë:192; 03850807001. Të dhënat e juaja do të ruhen ne konfidencialitet të plotë.”
VIDEO BONUS: Punëtorët teknikë vazhdojnë grevën, shkollat në kryeqytet i mbulon bërlloku
