U depozituan gabimisht në xhirollogarinë e tyre, 120 mijë dollarët çifti i shpenzuan gati të gjitha – përfundojnë në gjykatë

Një çift nga Pensilvania është akuzuar për vjedhje pasi shpenzoi mijëra dollarë të cilët ishin depozituar gabimisht në xhirollogarinë e tyre bankare.

Robert dhe Tiffany Williams i panë në llogarinë e tyre 120 mijë dollarë dhe më pas i shpenzuan gati të gjitha.

Çifti gjithashtu përballet me tarifa pasi kanë tërhequr mbi 100 mijë dollarë “overdraft” për të blerë një SUV dhe gjëra të tjera.

Çifti e pranoi se ishin në dijeni që paratë nuk ishin të tyre.

Zotëri dhe zonja Williams, përkatësisht 36 dhe 35 vjeç, janë akuzuar për vjedhje dhe përvetësim të pasurisë së huaj, por ata janë liruar me kusht.

Të hënën, ata u paraqitën në gjykatë në rrethin Lyoming, ndërsa nuk kanë dashur të komentojnë ngjarjen për mediat.

loading…