Trump: Tërheqja nga Afganistani është humbja më e madhe ushtarake e të gjitha kohërave
Donald Trump ka kritikuar Joe Biden për “dorëzimin” e Shteteve të Bashkuara në Afganistan dhe e quajti situatën si “humbja më e madhe ushtarake e të gjitha kohërave”.
Ish presidenti, i cili po mbante një tubim për mbështetësit në Alabama, tha se kjo nuk do të ndodhte kurrë nëse ai do të ishte në Shtëpinë e Bardhë dhe se Biden kishte treguar paaftësi marramendëse.
Trump organizoi tërheqjen e SHBA-së për 1 maj të këtij viti dhe administrata e Biden e ka fajësuar atë për vendosjen e afatit për largimin.
Si president, Trump kishte rënë dakord për tërheqjen e trupave amerikane dhe mbrojti veprimet e tij duke thënë se ishte ishte i ashpër në negociata.
“Kjo do të hyjë në histori si një nga humbjet më të mëdha ushtarake të të gjitha kohërave”, tha Trump, i cili ka lënë të hapur mundësinë për të kandiduar përsëri për president më 2024.
“Çështja nuk është nëse do të largohet nga Afganistani, çështja është paaftësia marramendëse e Joe Biden dhe neglizhenca e madhe. Krijimi i poshtërimit më të madh strategjik që kemi parë ndonjëherë si vend”.
Skena kaotike pasuan në kryeqytetin afgan, ndërsa kundërshtarët e talebanëve kërkonin dëshpërimisht të largoheshin nga vendi përmes aeroportit, shkruan Mirror.
Shumë njerëz kanë kritikuar Biden për një tërheqje të organizuar dobët dhe se jeta mund të vihet në rrezik për përkthyesit dhe njerëzit e tjerë që kanë ndihmuar vendet perëndimore, por nuk e kanë bërë.
“Ne mund të kishim dalë me nder, ne duhet të kishim dalë me nder, dhe në vend të kësaj ne dolëm me të kundërtën e nderit”shtoi Trump.
Imazhet e talibanëve që përdorin armë amerikane të braktisura nga forcat afgane që luftojnë talebanët kanë ngritur kritika mbi trajtimin e situatës.
