Presidenti amerikan, Donald Trump ka thënë se propozimi i presidentit francez, Emanuel Macron për ushtrinë evropianë është shumë lëndues.

“Presidenti Macrone pikërisht ka propozuar që Evropa ta formojë ushtrinë e saj në mënyrë që të mbrohet nga SHBA, Kina dhe Rusia. Shumë lënduese. Ndoshta Evropa së pari do të duhej ta paguante pjesë e saj NATO-s, të cilën në masë të madhe e financon SHBA-ja”, ka shkruar Trump në Twitter në momentin kur aeroplani i tij presidencial ka zbritur në Paris.

Donald Trump dhe bashkëshortja e tij, Melanie, kanë arritur sontë në Paris ku gjatë këtij vikendi do të marrin pjesë në ceremoninë e shënimit të përfundimit të Luftës së Parë Botërore, shkruan Ballkani.info.

President Macron of France has just suggested that Europe build its own military in order to protect itself from the U.S., China and Russia. Very insulting, but perhaps Europe should first pay its fair share of NATO, which the U.S. subsidizes greatly!

— Donald J. Trump (@realDonaldTrump) November 9, 2018

Trumpi është në mesin e 70 zyrtarëve më të lartë botërore që do të marrin pjesë në komemoracion. Aty do të jetë i pranishëm edhe presidenti i Kosovës, Hashim Thaçi.

Kjo është vizita e dytë e Trumpit në Francë që nga koha është zgjedhur president.

Macron këtë javë tha se Evropa nuk do të mund të mbrohet nëse nuk e formon ushtrinë e saj dhe ka paralajmëruar në rritjen e nacionalizmit.

Ai ka thënë se Evropa duhet të mbrohet vet nga Rusia dhe mos të varet më nga SHBA-ja. /Ballkani.info/