Presidenti amerikan Donald Trump, pas takimit me presidentin ukrainas Volodymyr Zelensky, e filloi fjalimin e tij drejtuar publikut duke falënderuar Holandën për organizimin e samitit të NATO-s dhe duke lavdëruar ushtrinë amerikane.
Ai përsëriti se sulmet e SHBA-së ndaj objekteve bërthamore të Iranit – suksesi i të cilave është vënë në pikëpyetje – duke i quajtur ato “shkatërrim”, transmeton Ballkani.info.
“Kjo shfaqje e pabesueshme e forcës amerikane hapi rrugën për paqe me marrëveshjen historike të armëpushimit të hënën vonë,” tha ai.
Ai vazhdoi të theksonte rolin e tij në ndërmjetësimin e një armëpushimi midis Izraelit dhe Iranit.
“Dhe ne e quajmë atë lufta 12-ditore. Fola me disa njerëz. Mendoj se tingëllonte si emri i duhur. Ishte lufta 12-ditore,” shtoi ai.
“Dhe ne mendojmë se ka mbaruar. Nuk mendoj se do të sulmojnë përsëri njëri-tjetrin. Nuk mendoj se do ta bëjnë.”
Ai shtoi se Shtetet e Bashkuara kishin “riafirmuar besueshmërinë e parandalimit amerikan”, i cili është “unik”. /Ballkani.info/







