Komuna e Prishtinës

Tri orë paradite e tri pasdite s’ka furnizim në kryeqytet

Ky vendim është rikthyer me një orar të ri i cili ndalon qarkullimin paradite nga ora 07:00 deri në ora 10:00, kurse pasdite nga ora 15:00 deri në ora 18:00.

Ndryshim u bë pas ankesave të bizneseve tek Dhoma e Tregtisë dhe Industrisë të cilët janë ankuar për orarin e kaluar, mirëpo të cilët janë përshtatur me ndryshimin e bërë pas takimit me kryetarin e kryeqytetit, Përparim Rama.

Inspektorati të enjten ka dalë në terren për t’i shikuar se sa po iu përmbahen rregullores furnitorët e që hasën në disa prej tyre të cilët iu shqiptuan vërejtje.
Shpërndarësit e mallit thanë se nuk janë të informuar për këtë ndryshim.

Megjithatë në muajin tetor janë shqiptuar mbi 100 gjoba për ata që nuk e respektuan vendimin e kaluar të Komunës së Prishtinës./Klan Kosova/