Trejsi Sejdini thumbon Feron, me të cilin kishte bashkëpunuar dikur: Kush është ky? Nuk e njoh
Modelja nga Shqipëria, Trejsi Sejdini, prej vitesh është bërë pjesë e showbizit shqiptar dhe tashmë ka fituar zemrat e publikut.
Ajo së fundmi ka qenë e ftuar në emisionin “Zemër Luana”, ndërkohë që nuk munguan ‘thumbat’ që hodhi në drejtim të atyre që kishte punuar me ta.
“Miss Universe Albania 2018” u vendos në një sfidë përballë reperit të famshëm Bardhi, ku dyshja duhet të zbulonin sekretet e bashkëpuntorëve të tyre ose duhet të pinin ‘shots’-in duke humbur pikë nga sfida që iu dha.
Foto: Screenshot/YouTube
Një nga personazhet që bukuroshja duhet të zbulonte sekrete ishte reperi Fero dhe Sejdini vendosi të reagonte duke e thumbuar: “Kush është ky? Nuk e njoh”.
Kujtojmë që dyshja dikur janë parë shpesh në shoqërinë e njëri-tjetrit, e madje Sejdini ka qenë protagoniste edhe në një nga klipet e Feros – katër vite më parë të quajtur “Gang Gang”.
Foto: Screenshot/YouTube
Ata siç shihet tani nuk flasin dhe vërehet dukshëm se ka një hatërmbejte mes tyre.
Sidoqoftë, Trejsi po vazhdon me angazhimet e mëdha në fushën e modelingut brenda dhe jashtë trojeve shqiptare.
