Tre persona lëndohen në një aksident në Prishtinë
Tre persona janë lënduar në aksidentin që ka ndodhur sot afër rrethrrotullimit në hyrje të lagjes Dragodan në Prishtinë.
Aksidenti ka ndodhur në mëngjes në të cilin janë përfshirë tri vetura.
Lajmin për Gazetën Sinjali e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Rreth orës 07:30 në Prishtinë, ka ndodh një aksident trafiku ku kanë qenë të përfshira tri automjete. Si pasojë e aksidentit janë lënduar tre persona. Personat e lënduar janë dërguar për tretman mjekësor. Me rastin po merret njësiti i trafikut”, tha Ahmeti.
