“Top Gun: Maverick” bëhet filmi me fitimet më të larta në karrierën e Tom Cruise
Filmi i shumëpritur i Tom Cruise “Top Gun: Maverick” bëri një tjetër arritje mbresëlënëse në arkat botërore në fundjavë, pasi kaloi kufirin e një miliard dollarëve.
Përveçse u bë filmi më i suksesshëm i të gjitha kohërave i aktorit 59-vjeçar të “Risky Business”, vazhdimi i “Top Gun” i vitit 1986 u bë filmi i parë i vitit 2022 që arriti këtë pas vetëm 31 ditësh në kinema.
Me shitjet e biletave, filmi rrëzoi nga froni filmin superhero të Marvel-it “Doctor Strange” në Multiverse of Madness (943 milionë dollarë) si filmi me fitimet më të larta të vitit në arkat globale.
Është një sukses veçanërisht i jashtëzakonshëm pasi pandemia COVID-19 shkatërroi në mënyrë efektive shifrat tradicionale të arkëtarëve pasi gati një e katërta e të gjitha kinemave amerikane u mbyllën për 15 muaj.
“Spider-Man: No Way Home”, i cili fitoi më shumë se 1.89 miliard dollarë, është i vetmi film tjetër që ka arritur shifrën një miliard dollarë që nga coronavirusi, shkruan DailyMail.
Përpara se “Top Gun: Maverick” të bëhej suksesi më i madh i Cruise, filmi i tij “Mission: Impossible” – Fallout” mbante vendin e parë në filmografinë e tij të gjerë që fitpi 257 milionë dollarë globalisht.
Filmi fillimisht supozohej të dilte në qershor 2020, megjithëse Paramount vendosi të ndalonte shfaqjen derisa më shumë fansa të mund të ktheheshin në kinema, një veprim që padyshim u dha rezultat.
“Jam i kënaqur që morëm këtë vendim për të vazhduar. Ky film do të ketë një shfaqje të madhe. Do të tërheqë njerëz në teatro që nuk kanë qenë për një kohë të gjatë”, parashikoi në një deklaratë shefi i shpërndarjes vendase të Paramount, Chris Aronson.
“Top Gun: Maverick”, me regji të Joseph Kosinski, është gjithashtu filmi i dytë me fitimet më të larta në historinë e Paramount dhe filmi aksion me fitimet më të larta të studios në 15 tregje që përfshijnë Mbretërinë e Bashkuar, Australi, Brazil dhe Francë.
Filmi ka arritur sukses të madh financiar pa u publikuar në Rusi apo Kinë.
