Paqja në Ballkanin Perëndimor dhe vlerat evropiane janë zgjidhja e vetme për shtetet e këtij rajoni. Për këtë arsye në inaugurimin e Samitit të Paqes për Evropën Juglindore që po mbahen në Tiranë nga liderët e rajonit, u kërkua gjetja e një baze të përbashkët për t’i adresuar problemet që i shqetësojnë rajonin.

Pjesë e këtij samti ishte dhe presidenti i Kosovës, Hashim Thaçi, i cili duke folur për paqen në Ballkanin Perëndimor, tha se ajo varet shumë nga marrëveshja Kosovë-Serbi.

Ndërkaq, presidenti i Maqedonisë Veriore, Stevo Pendarovski tha se përkundër që shtete e Ballkanik Perëndimor po përballen me një situatë ku po ka hezitim për hapje të negociatave nga BE-ja për shtetin e tij dhe Shqipërinë, si dhe mosliberalizim të vizave për Kosovën, zgjidhja e vetme e tyre janë vlerat evropiane.

Ish-presidenti i Shqipërisë, Alfred Moisiu tha se qëllimi kryesor i këtij samiti është paqja dhe gjetja e një baze të përbashkët për t’i adresuar problemet që i shqetësojnë rajonin.

E kryetarja e Federatës Universale së Paqes, Hak Ja Han Moon, duke folur për paqen në botë, tha se shtetet duhet të orientohen më shumë me interesa të përbashkëta të të gjithëve dhe jo të kenë ide më shumë nacionaliste.

Në emër të Qeverisë së Shqipërisë, nën patronazhin e të cilit po mbahet ky samit, ministra Elisa Spiropali kërkoi të largohet më shumë egoizmi shtetëror por të krijohet një botë më e mirë për t’i lënë trashëgimi gjeneratave të reja.

Samitit i Paqës për Evropën Juglindore po mbahet për herë të parë në Shqipëri i cili do të zgjasë deri nesër.

loading…