Thaçi: Kosova është trajtuar padrejtësisht nga BE sa i përket liberalizimit të vizave
Presidenti i Kosovës Hashim Thaçi tha se vizita e përfaqësuesit të lartë të Bashkimit Evropian Josep Borrell në Kosovë tregon rritje e vëmendjes së BE-së Kosovën.
Thaçi pas takimit me Borrell tha se orientimi strategjik i Kosovës është i qartë se do të punojë më fuqishëm në NATO.
Kosova sipas presidentit është duke punuar në reforma, në ekonominë, politikë dhe në kryerjen e obligimeve që ka në krijimin e paqes.
“Por kërkohet besim i ndërsjellët dhe vlerësim i të gjitha palëve. Për fat të keq në veçanti sa i takon liberalizimit të vizave Kosova është trajtuar padrejtësisht, pasi që ka implementuar të gjitha kriteret prandaj shpreh zhgënjimin e qytetarëve dhe institucioneve për këtë çështje. Në veçanti kur kemi parasysh se kemi të bëjmë më një vlerësim të standardeve të tjera në rajon ku disa prej tyre kanë problem më sundim të ligjit, demokracisë dhe trajtohen më të afirmuar sesa Kosova. Bashkimi Evropian ka bërë një gabim strategjik për mos liberalizimin e vizave për Kosovën dhe ky diskriminim është i padrejtë se po e pengon të ardhmen evropiane”, tha presidenti.
Ai beson se me Borrell në krye kjo qasje do ndryshojë, ndërsa shtoi se në takim kanë biseduar për arritjen e marrëveshjes me Serbinë.
“Borrell ka përvojën e tij në këtë drejtim që unë e vlerësoj lart dhe besoj që së bashku me kolegët e tij do punojnë fuqishëm në garantimin e një dialogu që do sjell rezultat, që do sjell paqe dhe stabilitet dhe të ardhme evropiane më të sigurt.
