Tërmkolli: “Ballkani i Hapur”, projekti më anti-shqiptar
Pjesë e protestës së thirrur nga ish-kryeministri i Shqipërisë Sali Berisha, ishte edhe ish-deputetja e Kuvendit të Kosovës dhe anëtarja e Lidhjes Demokratike të Kosovës Melihate Tërmkolli.
Kjo protestë u mbajt me qëllimin për ta kundërshtuar iniciativën e “Open Ballkan” të ndërmarrë nga kryeministri i Shqipërisë Edi Rama, presidenti i Serbisë Aleksandar Vuçiq dhe kryeministri i Maqedonisë së Veriut Zoran Zaev.
Tërmkolli në Klan Kosova tha se u bë pjesë e kësaj proteste për ta kundërshtuar siç tha ajo “projektin më anti-shqiptar”.
“Kam pasur vetëm vullnetin tim të brendshëm të Melihate Tërmkollit, për të marrë pjesë në një protestë dhe për të kontribuar në kundërshtimin e një prej projekteve më antishqiptare”.
