Turqi

Tërmet në Turqi, tymi dhe frika pushtojnë qytetin

Një tërmet me magnitudë 4.7 të shkallës Rihter u ndje në provicën Eruzurum të Turqisë lindore.

Autoritetet njoftojnë vetëm për disa dëme materiale të ndodhura në banesa e vjetra në qytet si edhe lëndime të lehta të pësuara nga banorët teksa përpiqeshin të dilnin nga ndërtesat gjatë lëkundjeve.

Pavarësisht kësaj, lëkundjet kanë shkaktuar panik te banorët dhe alarm te ekipet e shpëtimit. “O Zot çfarë është duke ndodhur kështu”, dëgjohet  të thotënjë nga banorët teksa pyetet nga ekipet e shpëtimit nëse kishte pësuar dëme nga tërmeti.

Zona në fjalë është goditur edhe nga lëkundje të ngjashme gjatë ditëve të fundit dhe autoritetet e kanë konsideruar tërmetin e sotëm si një pas goditje të atyrë të mëparshëm.

Eruzurumi ndodhet pranë vijës ku përplasen dy pllaka të vogla tektonike që ndajnë Turqinë jug-lindore nga ajo veri-lindore dhe në vitet e shkuara ka patur lëkundje shumë më të forta dhe me pasoja të rënda.