Temperatura deri në 38 gradë e rrebeshe shiu, parashikimi i motit për sot dhe fundjavë
Prishtina Weather ka njoftuar se edhe sot pritet të mbajë mot shumë i nxehtë. Pasdite përreth viseve malore mund të ketë edhe rrebeshe shiu me bubullimë.
Moti i njejtë do të marr edhe gjatë vikendit, ku temperaturat pritet të arrijnë deri në 38 gradë. Të martën pritet të shkojnë në 39 gradë.
“Mot shumë i nxehtë dhe kryesisht me diell paraqitet edhe ditën e premtë. Më vonë pasdite përreth viseve malore mund të zhvillohet ndonjë rrebesh shiu me bubullimë. Temperaturat minimale zbresin në 18C e 20C, e ato maksimale shkojnë deri në 35C e 37C.
Mot shumë i nxehtë dhe me erë parashihet për ditën e shtunë në vend, me maksimale që kapin vlera deri në 37C e 38C. Me diell mbetet moti edhe ditën e diel, megjithëse me një rënie të temperaturës në 32C e 33C. Temperaturat sërish sënojnë rritje në fillim të javës vijuese edhe deri në 38C e 39C, ditën e martë”, thuhet në njoftim.
