Presidenti i vendit, Hashim Thaçi, përmes një postimi në Facebook, e ka përshendetur vendimin e partive të koalicionit qeveritar për harmonizimin e qëndrimeve lidhur me dialogun me Serbinë.
Sipas tij, është shumë e rëndësishme për shtetin tonë, që të gjithë të jenë sa më unikë dhe të bashkohen për mbrojtjen e interesave qytetare dhe shtetërore në dialogun ndërmjet Kosovës dhe Serbisë në Bruksel.
Postimi i plotë:
E përshëndes vendimin e subjekteve politike të koalicionit qeveritar për harmonizimin e qëndrimeve politike dhe hartimin e rezolutës së përbashkët për dialogun.
Është shumë e rëndësishme për shtetin tonë, që ne të gjithë të jemi sa më unikë dhe të bashkohemi për mbrojtjen e interesave qytetare dhe shtetërore në dialogun ndërmjet Kosovës dhe Serbisë në Bruksel.
Interesi shtetëror i Republikës së Kosovës duhet të jetë gjithmonë mbi çdo interes partiak apo elektoral. HTH







