Të enjten Kuvendi formon 14 Komisione Parlamentare, PDK-së i takojnë tri

Kryetarja e Kuvendit të Kosovës, Vjosa Osmani, ka bërë të ditur se në mbledhjen e sotme të Kryesisë, janë marrë vesh që të enjten të mbahet seanca e Kuvendit ku do të formohen 14 Komisione Parlamentare.

Nga këto 14, ajo ka bërë të ditur se është vendosur që PDK-së, si partia më e madhe opozitare, t’i takojë e drejta e udhëheqjes me tri komisione. Dy nga to janë: Komisioni për mbikëqyrjen e financave publike dhe ajo e mbikëqyrjes së AKI-së.

Për zvogëlimin nga 16 në 14 komisione, Osmani ka thënë se duhet votim me 2/3 e deputetëve.