Të dyshuarit për plagosjen e tre personave në rrugën “Muharrem Fejza” i caktohet masa e paraburgimit
Gjykata Themelore në Prishtinë ka caktuar masën e paraburgimit prej 30 ditësh për Kushtrim Ajetin, i cili dyshohet se ka kryer veprën penale “Vrasje në tentativë”.
Lajmin për Gazetën Sinjali e ka konfirmuar avokatja e Kushtrim Ajetit, Fehmie Bytyqi.
“Ju ka caktu masa e paraburgimit në kohëzgjatje prej 30 ditësh. Momentalisht veprën penale e ka ‘vrasje në tentativë’”, tha ajo.
Të premten e 28 gushtit ka raportuar se tre persona mbetën të plagosur në rrugën “Muharrem Fejza” në Prishtinë, të cilët ishin dërguar për trajtim të mëtutjeshëm në QKUK.
