Kryeministri Albin Kurti ka mbajtur sot takim me ambasadorët e akredituar në Kosovë.
Përmes një postimi në Twitter ai ka thënë se u ka ofruar atyre të rejat më të fundit mbi dialogun.
Ai ka thënë se takimin e ka filluar duke shprehur mirënjohje për Bashkimin Evropian dhe Shtetet e Bashkuara të Amerikës për përpjekjet e tyre për rikthimin e dialogut në rrugën e duhur, pas sulmit të 24 shtatorit.
“Sot u takova me ambasadorët e akredituar në Kosovë për t’iu ofruar atyre të rejat më të fundit mbi dialogun, siç është praktikë e zakonshme. Fillova duke shprehur mirënjohjen për BE-në dhe SHBA-në për përpjekjet e tyre për të rikthyer dialogun në rrugën e duhur pas sulmit terrorist të 24 shtatorit”, ka thënë ai.
I pari i Qeverisë Kosovës shtoi se Serbia po vazhdon ta refuzojë Marrëveshjen Themelore.
“Po ashtu, Kurti iu ka theksuar ambasadorëve se po të ishte në dorën e Kosovës, marrëveshja tashmë do të nënshkruhej dhe do të fillonte zbatimi i saj”, tha Kurti.
I also emphasized that if it were solely up to Kosova, we would have reached an agreement and would already be in the process of implementing it. Kosova is still willing to sign the Basic Agreement, the Implementation Annex and the October 21 draft. Serbia continues to refuse.
— Albin Kurti (@albinkurti) October 30, 2023







