Tadiq trondit Serbinë: Kosovën e humbëm para 24 vjetësh

Ish-presidenti i Serbisë, Boris Tadiq, thotë se shteti i tij i udhëhequr nga Aleksandër Vuçiq, nuk bëri asgjë për të parandaluar situatën aktuale dhe presionet që po vuan Serbia për çështjen e Kosovës, por vetëm pranoi gjithçka – “duke e humbur Kosovën”.

Ndërkaq akuzave të Vuçiq-it se qeveria e kaluar e humbi Kosovën, duke iu referuar administratës së Tadiq-it, ky i fundit thotë se edhe me nënshkrimin e Marrëveshjes së Kumanovës në vitin 1999, kompetencat e shtetit në Kosovë humbën, por edhe me Marrëveshjen e Brukselit Daçiq dhe Vuçiq “thyen pikën e fundit të rezistencës sonë kur është fjala për veriun dhe procesin e negociatave”.

“Nëse do ta kisha lënë veriun e Kosovës të shkojë, siç e kanë lejuar Daçiq dhe Vuçiq në marrëveshjen e Brukselit, do ta dobësoja pozicionin negociator. Filozofia ime politike është – ta zgjidhim problemin, të bëjmë një kompromis, të gjejmë një zgjidhje të qëndrueshme për brezat që do të vijnë, jo vetëm për qeverinë ekzistuese”, theksoi Tadiq gjatë një interviste në N1.