Szunyog takohet me kryetarin e ri të Listës Serbe: Folëm për zgjedhjet e parakohshme lokale dhe procesin e dialogut
Shefi i Bashkimit Evropian në Kosovë, Tomas Szunyog, ka qëndruar për vizitë në Mitrovicën e Veriut, ku ka takuar kryetarin e ri të Listës Serbe, Zlatan Elekun.
Szunyog theksoi se me Elekun kanë biseduar për një sërë temash duke përfshirë edhe procesin e dialogut.
“Në një vizitë në Mitrovicën e Veriut sot, pata një takim njohës me Presidentin e sapozgjedhur të Listës Serbe, Dr. Zlatan Elek. Diskutuam një sërë temash, duke përfshirë zgjedhjet e parakohshme lokale dhe procesin e dialogut. I urova suksese në detyrën e re”, shkroi Szunyog në platformën X.
