Sulmohet në Serbi autobusi me pasagjerë nga Kosova
Mbrëmë autobusi me pasagjerë nga Kosova është sulmuar përsëri me gurë në Krushevcë të Serbisë nga persona ende të panjohur.
Kjo nuk është herë e parë që pasagjerët e Kosovës tronditen me sulme me gurë në territorin e Serbisë.
Udhëtari Uka Halilaj, ka thënë për RTK-së, se sulmi me gurë ka ndodhur të hënën në orën 22:20 minuta dhe në atë moment të gjithë udhëtarët kanë qenë të tronditur.
“Kemi qene të tronditur, ne ishim duke udhëtuar me linjën Prishtinë-Austri me Agjencinë “Festimi”. Jemi ndalur pas 300 metra”, tha ai. Sipas tij Policia e Serbisë, kanë dal në ngjarjes pas 15 minutave.
Ai bëri me dije se pastaj kanë vazhduar rrugën për Austri.
