Sulmi në Belgorod, një operacion i suksesshëm nga Ukraina

Nëse qëllimi i sulmit të kësaj jave në Belgorod ishte të tërhiqte vëmendjen nga rënia e Bakhmutit, atëherë ishte një sukses i jashtëzakonshëm. Beteja njëvjeçare për qytetin, e cila shkaktoi mijëra viktima, duket si një lajm që i përket të kaluarës.

Ndërsa bastisja e guximshme në fshatrat kufitare ruse, e kryer nga disa dhjetëra mërgimtarë rusë nga Legjioni i Rusisë së Lirë dhe Korpusi Vullnetar Rus ishte një spektakël perfekt i mediave sociale.

Ashtu si sulmet e komandove britanike të Luftës së Dytë Botërore, të organizuara në mënyrë eksplicite nga Churchill për të rritur moralin pas evakuimit nga Dunkirk, operacioni të cilin Moska pretendon se e ka zmbrapsur tregoi se Ukraina është ende e vendosur të vazhdojë luftën dhe mund të bëjë çdo gjë për të arritur qëllimet e saj.

Për më tepër, bastisja dëshmoi se pavarësisht suksesit të saj të fundit, të dhimbshëm në Bakhmut, ushtria ruse nuk është aq mirë e organizuar, është e papërgatitur dhe e ngadaltë për të reaguar ndaj ngjarjeve në terren.

Një poshtërim për Vladimir Putinin, një frymëzim për moralin e Ukrainës dhe mbështetësve të saj ndërkombëtarë dhe një demonstrim se lufta nuk ka përfunduar, operacioni i Belgorod ishte një shembull i përsosur i operacioneve të informacionit në një epokë të mediave sociale.

Në një mënyrë tjetër, gjithashtu, operacioni demonstron zotërimin e plotë të hapësirës së informacionit të luftës nga ana e Ukrainës. Duke pasur parasysh natyrën e propagandës së Rusisë që përpiqet të justifikojë pushtimin, do të dukej instinktivisht e dobët për të lejuar neo-nazistët, si Alexey Levkin dhe Denis Nikitin të Trupave Vullnetare Ruse, të pushtonin Rusinë nga Ukraina, veçanërisht me automjete të dhuruara nga amerikanët.

Por vlera e propagandës ka të ngjarë të tejkalohet nga poshtërimi i sigurisë së dobët kufitare të Rusisë, duke bërë që Moska të minimizojë operacionin.

Nëse administrata e Bidenit, një aktor shumë më i kujdesshëm në Ukrainë nga sa duket se mendojnë kundërshtarët e saj vendas, do ta shohë apo jo operacionin me të njëjtën qetësi, mbetet për t’u parë.

Duke pasur parasysh premtimet e Volodymyr Zelenskyy se çdo F-16 i dhuruar nuk do të përdoret për të sulmuar territorin rus, vendosja e automjeteve të dhuruara nga amerikanët brenda vetë Rusisë mund të jetë një hap i rrezikshëm.

Por pavarësisht mohimeve nga ana e Kievit, nuk ka dyshim se ky ishte një operacion i menaxhuar nga Ukraina. Sido që të jetë, skenari alternativ që milicitë e dyshimta ruse të kishin marrë disi armë dhe automjete të blinduara amerikane dhe po bredhin në mënyrë të pavarur nëpër rajonet kufitare të Ukrainës do të ishte shumë më alarmues.

Rrjedhjet e inteligjencës amerikane të Pentagonit kanë vërtetuar tashmë se Zelenskyy kishte propozuar më parë pushtimin e fshatrave kufitare ruse për të ndikuar në negociatat e ardhshme të paqes.

Nëse operacioni i Belgorodit mund të konsiderohet apo jo një operacion formësues për ofensivën pranverore të shumëpritur të Ukrainës, mbetet për t’u parë.

Por duke demonstruar se kufiri 700 km i mbrojtur i Rusisë me Ukrainën është i prekshëm ndaj sulmeve, operacioni mund të ketë efektin e devijimit të trupave të nevojshme për të drejtuar linjat mbrojtëse të Rusisë në Ukrainën lindore larg fushës së betejës, duke dobësuar reagimin e saj ndaj goditjes eventuale.

Operacioni i Belgorod-it megjithatë është një pikë kyçe për atë që Ukraina shpreson të jetë fushata e saj përcaktuese.