Sulm i armatosur në Gjilan, dyshohet se cak ishin truprojat e reperit Fero
Një sulm i armatosur ka ndodhur mbrëmë në qytetin e Gjilanit.
Rasti ka ndodhur në lagjen “Dardania” të këtij qyteti ndërsa në këtë rast janë përfshirë disa persona.
Zëdhënësi i Policisë për rajonin e Gjilanit, Shaban Azizi ka deklaruar se ky sulm ka ndodhur për motive të ultëta dhe banale.
“Policia ka arrestuar gjashtë persona lidhur me këtë rast i cili ka ndodhur për motive të ulëta e banale”, ka thënë Azizi për Gazetën Sinjali.
Raportohet se në këtë sulm kanë qenë të përfshirë truprojat e reperit Fero. Dyshohet se personi i ashtuquajtur Lila ka shtënë në drejtim të vëllezërve Shqiprim dhe Shpresim Xheladinit, të cilët kujdesen për sigurinë personale të reperit kosovar.