Suedia raportoi një rekord prej 170 vdekjeve të reja të koronavirusit, në një rritje të pritur pas fundjavës së Pashkëve.
170 vdekjet e reja – duke tejkaluar rekordin e djeshëm të 114 – sjellin numrin e vdekjeve nga 1.033 në 1.203 në vend, raporton Daily Mail
Numri i infeksioneve u rrit në 482 përbrenda natës, një rritje që sjell numrin e përgjithshëm nga 11.445 në 11.927.
Zyrtarët suedezë kishin njoftuar vetëm 17 vdekje të reja të shtunën, një shifër e ulët e dukshme pas një rritje mesatare prej 94 gjatë javës.
Suedia po vazhdon të jetë kundër izolimit, përkundër se pjesëtar të komunitetit shkencor në vend po e kundërshtojnë këtë.
Një grup prej 22 mjekësh, virologësh dhe studiuesish kritikuan Agjencinë e Shëndetit Publik në një botim të botuar nga gazeta Dagens Nyheter të martën.
Ata e akuzuan atë se nuk kishte arritur të hartojë një strategji të duhur, duke theksuar se niveli i vdekshmërisë në Suedi tani ishte më lart se i fqinjëve nordik.
Baret dhe restorantet janë ende të hapura në Suedi, së bashku me shkollat fillore. Dyqanet janë gjithashtu të hapura, duke iu nënshtruar rregullave të distancës sociale.







