Studentët e pranuar në studimet e doktoratës protestojnë para rektoratit, kërkojnë të mos përsëritet provimi pranues

Dhjetëra studentë të pranuar për studime të doktoratës në Fakultetin Ekonomik dhe atë të Mjekësisë kanë protestuar sot para rektoratit të Universitetit të Prishtinës.

Protesta e tyre vie pas vendimit të marrë për përsëritjen e testit pranuar në studimet e doktoratës.

Erolind Dermaku kandidatë në Fakultetin e Mjekësisë  ka thënë se nuk ka arsye për ritestim dhe se këtë e ka konfirmuar edhe Agjencia Kundër Korrupsionit.

“AKK-ja ka vërtetuar se nuk ka konflikt interesi mes kandidatëve të pranuar dhe komisionit vlerësues” ka thënë ai.

Kurse avokati mbrojtës i studentëve të Ekonomikut, Egzon Lajçi ka thënë se një nga institucionet që i janë drejtuar për këtë çështje pra AKK-ja ka kthyer përgjigje në favor të tyre që mohon të këtë pasur konflikt interesi në këtë proces.

E Agnesa Ibrahimi studente e këtij fakulteti ka thënë se presin përgjigje edhe nga Avokati i Popullit dhe pastaj kërkojnë që kjo çështje të mbyllet brenda javës në mënyrë që ata të mos humbin më ligjëratat.