Spitali i Pejës mbushet me pacientë me Covid, hapen reparte të tjera për trajtim
Spitali i Përgjithshëm i Pejës ka hapur edhe reparte të tjera për pacientët me COVID-19, pasi repartet që veçse ishin të përcaktuar për trajtimin e tyre, janë mbushur.
180 pacientë janë të shtrirë në këtë spital. Sipas njoftimit të lëshuar, 157 nga këta pacientë janë në oksigjenoterapi, 5 në CPAP.
“Tashmë pasi që shtretërit e Reparteve të Bllokut Internistik: Reparti Infektives, Psikiatrisë, Dermatologjisë, Neurologjisë, Internistik dhe dy katet e Spitalit të Mushkërive janë mbushur me pacientë me Covid-19, është filluar që pranimet të bëhen në Repartin e ORL dhe Oftamologjisë”, thuhet në njoftim.
Momentalisht gjendja me pacientë me Covid-19 është:
180 pacientë janë të shtrirë në Spitalin e Përgjithshëm në Pejë;
157 pacientë janë në Oksigjenoterapi;
5 pacientë janë në CPAP;
9 pacientë janë shëruar;
20 pacientë janë pranuar.