Në mes të pandemisë, në Kosovë ndalet vaksinimi të dielën sepse është ditë pushimi
Në qendrën e vaksinimit në sallën “1 Tetori” në Prishtinë gjatë kësaj të diele nuk do të mund të vaksinohen. Kjo për shkak që e dita e diele është ditë pushimi.
Ndërkohë që vaksinimi kundër COVID-19 do të vazhdojë të hënën (nesër).
Deri paraditen e së shtunës u raportua se më shumë se 56 mijë qytetarë kanë marrë dozën e parë të vaksinës antiCOVID-19.
Të hënën punëtorët shëndetësorë të cilët janë vaksinuar në Kukës më datë 20 dhe 21 mars duhet të paraqitën në sallën “1 Tetori” për të marrë dozën e dytë të vaksinës AstraZeneca.
Kujtojmë që 500 punëtorë shëndetësorë kosovarë janë vaksinuar me vaksinën AstraZeneca në Kukës.
