Sot pritet t’i kërkohet MSH-së që sallat e dasmave të hapen më 10 qershor

Oda e Hotelierisë dhe Turizmit të Kosovës sot do të mbajë takim me pronarët e sallave të dasmave nga të gjitha komunat lidhur me masat anti-Covid, shkruan Indeksonline.

Kështu kanë njoftuar dje nga Oda e Hotelierisë dhe Turizmit të Kosovës.

Nga OHT do të bëjnë kërkesë që me 10 qershor të hapen sallat e dasmave në Kosovë, si ato me ambient të hapur por edhe ato me ambient të mbyllur.

Ata do të kërkojnë që në salla të lejohen rreth 200 deri 250 persona brenda.

Nga ky takim, OHT pritet të dalë me kërkesa të qarta për Ministrinë e Shëndetësisë dhe Qeverinë Kurti.