Sot në Bruksel takohet ekipi negociator i Kosovës me atë të Serbisë
Delegacioni Shtetëror i Kosovës për Dialogun me Serbinë sot do të takohen në Bruksel me përfaqësuesit e shtetit serb.
Me fillim prej orës 10:00, Delegacioni Shtetëror i Kosovës për Dialogun me Serbinë si dhe përfaqësues të shoqërisë civile pritet të mbajnë takim me përfaqësuesit e Serbisë, takim ky që do të mbahet me ndërmjetësimin e përfaqësueses së lartë të Bashkimit Evropian, Federica Mogherini.
Në këtë takim pritet që të diskutohet për njohjen reciproke, çështjen e të pagjeturve, krimet e kryera në Kosovë nga ana e Serbisë e shumë çështje të tjera.
Kujtojmë se gjatë ditës së djeshme ekipi negoociator i Kosovës ka mbërritur në Bruksel ku përfaqësuesit e Delegacionit kosovar të cilët kanë thënë nuk presin se do të arrihet ndonjë kompromis me palën serbe pasi që siç u shprehën ata, ky takim i ditës së sotme do të jetë më shumë informues.
