Sot ndalohet qarkullimi në një pjesë të autoudhës “Arbën Xhaferi”
Sot një pjesë e autoudhës “Arbën Xhaferi”, nuk do të jetë e qasshme për qarkullim.
Ministria e Infrastrukturës ka njoftuar se sot për shkak të zhvillimit të punimeve (betonimit të soletës kaluese në mbikalimin për këmbësorë) dhe për sigurinë publike, prej orës 10:00 deri në ora 14:00, ndalohet qarkullimi i automjeteve në segmentin “Konjuh-Babush” autoudha “Arbën Xhaferi”, në të dy drejtimet e lëvizjes.
Sipas njoftimit, gjatë periudhës së ndalesës, të gjithë pjesëmarrësit në trafikun rrugor do të orientohen të qarkullojnë përmes rrugës nacionale N2 Prishtinë – Hani i Elezit dhe anasjelltas.
Ministria e Infrastrukturës kërkon mirëkuptim nga ana e pjesëmarrësve në komunikacion.
