Sot janë bërë pikërisht 20 vjet që kur në qendër të Prizrenit, më 13 qershor 1999, dita e dytë e hyrjes së trupave të NATO-s në Kosovë, ushtarët gjermanë vranë dy paramilitarë serbë me 220 plumba.

Ata ishin Zharko Andrijeviq dhe Sllavko Veselinoviq, dy snajperistë serbë që plagosën një ushtarë gjermanë.

Kjo vrasje ishte kapur nga kamerat e AP-së, shkruan Ballkani.info.

Në ndërkohë, serbët janë munduar që këta dy paramilitarë t’i paraqesin si civilë, megjithatë edhe në video shihet se ata ishin të armatosur dhe tentuan t’i sulmonin ushtarët e KFOR-it.

“Serbët ishin nisur që me një vetura Lada të verdhë të largoheshin nga Prizreni, mirëpo ata u vranë krejtësisht kot nga forcat gjermane”, shkruajnë mediat serbe, ndërsa paraqesin vetëm një pjesë të videos, por jo edhe momentin kur ata sulmuan gjermanë dhe nga vetura u nxierr një kallashnikov.

Për më shumë ndiqeni videon: (Kujdes! Videoja nuk preferohet të shikohet nga persona të mitur dhe persona të ndjeshëm)