Lajmi që po qarkullon nga mbrëmë në të gjitha mediat është një rrahje që ka ndodhur mes deputetit të PSD, Frashër Krasniqi dhe atij të VV-së, Xhelal Sveçla.
Rrahja ka ndodhur jashtë objektit të KTV-së, pas debatit të bërë në studio.
Akoma nuk ka pasur ndonjë reagim në profilet e deputetëve në rrjetet sociale.
Por, aty bjen në sy një koment interesant që i është bërë Frashër Krasniqit në postimin e tij të fundit në Facebook, paralajmërimin e debatit.
“Të dashur miq,
Sonte mund të më ndiqni në orën 20:00, në emisionin RUBIKON në KTV, në debat me subjektet e tjera”, kishte shkruar Krasniqi.
“Hej, qite meçin e zhvilluar”, i ka komentuar një qytetar dhe komenti i tij po pëlqehet mjaft.

Përndryshe, ky nuk është rasti i parë i rrahjes së Frashër Krasniqit.
Më herët, ai kishte rrahur në studio edhe deputetin Milaim Zeka.
