Lindja e Mesme
Siria dhe Iraku paralajmërojnë se sulmet e SHBA-së nxisin konfliktin në Lindjen e Mesme
Siria ka paralajmëruar se sulmet e ShBA-së që kanë shënjestruar lokacione të ndryshme në Irak dhe Siri të premten vonë “ushqejnë konfliktin në Lindjen e Mesme në një mënyrë shumë të rrezikshme”.
“[Siria] dënon këtë shkelje flagrante amerikane [dhe] hedh poshtë kategorikisht të gjitha pretekset dhe gënjeshtrat e promovuara nga administrata amerikane për të justifikuar këtë sulm”, tha ministria e jashtme siriane në një deklaratë të shtunën.
ShBA tha se goditi 85 objektiva në shtatë lokacione në Irak dhe Siri të premten në përgjigje të një sulmi vdekjeprurës me dron nga militantët e mbështetur nga Irani në një post ushtarak amerikan në Jordani të dielën.
Ushtria e Sirisë tha se sulmet shkaktuan “dëme të konsiderueshme” dhe vranë civilë dhe personel ushtarak. CNN nuk mund të verifikojë në mënyrë të pavarur numrin ose natyrën e viktimave.
Sipas zyrtarëve irakianë të sigurisë, sulmet amerikane goditën objektet e përdorura nga al Hashed al Shabi ose Njësitë e Mobilizimit Popullor (PMU) pranë kufirit Irak-Siri.
Në një deklaratë, Yahya Rasool, zëdhënësi i Forcave të Armatosura të Irakut u bëri jehonë paralajmërimeve të Sirisë se sulmet mund të destabilizojnë rajonin.
“Këto sulme konsiderohen si shkelje e sovranitetit të Irakut dhe minojnë përpjekjet e qeverisë irakiane, duke paraqitur një kërcënim që mund të tërhiqte Irakun dhe rajonin në pasoja të padëshirueshme, rezultatet do të jenë të tmerrshme për sigurinë dhe stabilitetin në Irak dhe rajon. tha Rasuli.
VIDEO BONUS: Durmishi: Nëse dyshimet vërtetohen të gjitha provimet e kaluara në vitin 2021 në Pejë, do t’anulohen
