Si të gjeni iPhone tuaj të humbur, edhe nëse është i fikur
Në shekullin e 21-të, shumica prej nesh jetojnë me telefonat inteligjentë. Ato shërbejnë si një kompjuter xhepi, orë me zile, bllok shënimesh, listë kontaktesh, album fotografik, GPS, enciklopedi, playlist muzike dhe, natyrisht, telefon.
Kur prekni xhepin tuaj dhe kuptoni se telefoni juaj nuk është aty, mund të fillojë një valë paniku. Por ka disa hapa të shpejtë dhe të thjeshtë për të filluar kërkimin tuaj.
Ekzistojnë dy funksione Find My në dispozicion nga Apple që mund t’ju ndihmojnë të gjeni një telefon të humbur. Aplikacioni Find My është mjeti kryesor i kërkimit të pajisjeve Apple që humbin dhe rrjeti Find My i Apple përdor furnizimin me Bluetooth për t’i gjetur.
(Për ta aktivizuar shkoni te Settings > Your Username > Find My > Find My iPhone. Aty mund t’i aktivizoni të dyja Find My iPhone dhe Find My Network.) Kur telefoni juaj humb, mund të përdorni çdo shfletues ose një iPhone tjetër për të hyrë në aplikacionin Find My, ku mund të futni emrin e përdoruesit dhe fjalëkalimin tuaj për të lundruar në llogarinë tuaj iCloud.com. Atje, ju mund të shihni pajisjet tuaja të regjistruara në një hartë standard ose satelitore.
