Pas njoftimit të marrëveshjes kornizë për përfundimin e konfliktit, po vijnë shenjat e para të prekshme të qetësimit të tensioneve në terren. Presidenti i SHBA-së, Donald Trump, njoftoi se anijet kanë “filluar të lëvizin” nëpër Ngushticën e Hormuzit dhe, megjithëse ende nuk ka një rritje drastike të intensitetit të trafikut, analiza e të dhënave detare nga BBC Verify konfirmon se një numër më i madh anijesh po përpiqen të kalojnë nëpër këtë kalim detar strategjikisht të rëndësishëm, transmeton Ballkani.info.
Kalimi i anijeve u bë më i lehtë pasi zëvendëspresidenti i SHBA-së, JD Vance, konfirmoi se kompanitë nuk do të duhet t’i paguajnë tarifën e kontestuar Iranit për lundrimin nëpër ngushticë, të paktën në periudhën e parë. Në të njëjtën kohë, Teherani zyrtar pretendon se në bashkëpunim me Omanin po merr “të gjitha masat e nevojshme” për lundrimin e sigurt të anijeve, ndërsa zëdhënësi i Ministrisë së Punëve të Jashtme iraniane, Esmail Baghaei, theksoi se SHBA-ja është zotuar për heqjen e sanksioneve ekonomike dhe pjesëmarrjen në rindërtimin e Iranit.
Ndërsa tregjet globale po shohin një rritje dhe lehtësim të madh ekonomik mbi marrëveshjen e minutës së fundit, situata në Liban mbetet e tensionuar.
Tym i dendur ngrihet nga fshati Kfar Tibnit në jug të Libanit pas raportimeve për një sulm vdekjeprurës që vrau një person, sipas mediave lokale. Izraeli ka refuzuar të komentojë mbi sulmin, me një zyrtar izraelit që i tha BBC-së se ata do të “bëjnë çfarëdo që të jetë e nevojshme” sepse Izraeli planifikon të ruajë praninë e tij ushtarake në Liban. /Ballkani.info/







