Si i demaskoi Bujar Osmani qarqet proruse në vend, me një lëvizje të shkathët diplomatike?
Vendosja e kryediplomatit të Maqedonisë së Veriut Bujar Osmani përkrahë SHBA-së në aktivitetet për zvogëlimin e ndikimit agresiv rusë, ka irrituar individë dhe organizata të ndryshme brenda dhe jashtë Maqedonisë së Veriut që janë të afërta me qarqet ruse.
“Manifesti maqedonas” është organizata e radhës që ka reaguar. Aktin e Ministrit Osmani të njëjtit e kanë cilësuar si gafë. Ata janë decid se kryediplomati Osmani po bën ekzibicione politike.
“Ministri i Maqedonisë vendoset plotësisht në anën e Amerikës me deklaratën e tij manipulative”, shkruan në reagimin e “manifestit maqedonas”.
Kujtojmë deklaratën e shefit të diplomacisë së Maqedonisë së Veriut. “Maqedonia e Veriut plotësisht mbështetë dhe solidarizohet me masat e SHBA-së, si përgjigje ndaj aktiviteteve destabilizuese të Rusisë kundër Amerikës dhe aleatët tanë. Përmirësimi i sigurisë sonë kolektive është prioritet i yni”.
