Izrael

Shteti që ofron terapi seksi, Qeveria paguan shërbimin

Qeveria e Izraelit ka vendosur të ofrojë falas terapitë e seksit për ushtarët e plagosur, që kanë nevojë për rehabilitim seksual.

Në shumë vende terapia zëvendësuese e seksit, në të cilën një person është i punësuar për të vepruar si partner seksual i një pacienti, është i diskutueshëm, dhe nuk praktikohet gjerësisht. Në Izrael, megjithatë, është në dispozicion me shpenzimet e qeverisë për ushtarët që janë dëmtuar rëndë dhe kanë nevojë për rehabilitim seksual.

Salla e konsultave në Tel Aviv e terapistes izraelite të seksit Ronit Aloni duket ashtu siç mund ta imagjinoni, raporton BBC. Ekziston një shtrat për klientët e saj dhe diagrame biologjike të organeve gjenitale mashkullore dhe femërore, të cilat ajo i përdor për shpjegim.

Por ajo që ndodh në dhomën fqinje, e cila ka një divan të rehatshëm dhe qirinj, është më befasuese. Aty partnerët zëvendësues të paguar ndihmojnë të mësojnë klientët si të kenë marrëdhënie intime dhe në fund, si të bëjnë seks.
“Nuk duket si hotel, më shumë duket si shtëpi, si apartament“, thotë Aloni. Ka një shtrat, muzikë, dush dhe veprat artistike erotike zbukurojnë muret.

“Terapia seksuale është, në shumë mënyra, terapi çifti dhe nëse dikush nuk ka një partner, atëherë ju nuk mund ta përfundoni procesin“, shpjegon ajo. “Surrogatët janë aty për të modeluar rolin e partnerit në një çift“.
Megjithëse kritikët e krahasojnë këtë me prostitucionin, në Izrael është bërë e pranuar deri në atë masë që shteti mbulon koston për ushtarët që kanë pësuar dëmtime që ndikojnë në aftësinë e tyre për të bërë seks.
“Njerëzit duhet të ndiejnë se mund të kënaqin dikë tjetër dhe se mund të marrin kënaqësi nga dikush tjetër“, thotë Aloni, që ka një doktoraturë në rehabilitimin seksual. “Njerëzit po vijnë për terapi. Ata nuk po vijnë për qejf. Nuk ka asgjë të ngjashme me prostitucionin“, shton ajo vendosmërisht.
“85% e seancave kanë të bëjnë me intimitetin, prekjen, dhënien dhe marrjen, komunikimin, ka të bëjë me të mësuarit si lidhesh me njerëzit e tjerë. Deri në kohën që ke një marrëdhënie seksuale, ky është fundi i procesit“.