Shpresat e Anglisë turpërojnë Kosovën
Përfaqësuesja U-21 e Kosovës ka pësuar humbje shumë të thellë të premten mbrëma në “Fadil Vokrri”. Kosova U-21 humbi nga Anglia me rezultatin 6:0. Është kjo humbja më e thellë e Shpresave të Kosovës deri më tani.
Selektori Rafet Prekazi nuk ka mundur të llogaris në shumë lojtarë bartës, për shkak të kufizimeve në udhëtim. Dhe ekipi që formoi as për së afërmi nuk ka rivalizuar Anglinë në pjesën e dytë të takimit. Pjesa e parë përfundoi 0:0, ndërsa në të dytën anglezët e rinj shënuan gjashtë gola.
Te Anglia kanë luajtur edhe lojtarë të vlerësuar shumë lartë në Premier League. Eddie Nketiah i Arsenalit shënoi “hat-trick”. Nga një gol e shënuan Reiss Nelson, Ryan Sessegnon e Jude Bellingham.
