Kryetari i Mitrovicës
Shpërthimi në Kçiq, Hamza: Të lënduarit i përkasin të njëjtës familje, ka edhe nga diaspora
Nga shpërthimi në fshatin Kçiq të Mitrovicës kanë mbetur të lënduar 14 persona.
Në lidhje me këtë për Klan Kosovën ka folur kryetari i Mitrovicës, Bedri Hamza, i cili tha se të lënduarit, në bazë të informatave janë nga e njëjta familje.
“Isha edhe brenda. Sipas informatave ka prej tyre që e kanë shkallën e lëndimit më të madhe, e disa më të vogël. Uroj që të gjithë të jenë mirë e të mos kenë rrezik për jetë e iu uroj shërim të shpejt dhe shfrytëzoj rastin t’i falënderoj mjekët për një punë dhe përkushtim të jashtëzakonshëm”, tha Hamza.
Ai tutje tha se nga të lënduarit janë edhe disa familjarë nga diaspora, ndërsa Klan Kosova merr vesh se një nga të lënduarit ka djegie në fytyrë dhe duar.
Të lënduarit në Qendrën Klinike dhe Universitare të Kosovës i ka vizituar edhe ministri i Shëndetësisë, Arben Vitia.
BONUS VIDEO: Kosova po vazhdon të armatoset, në radhë janë anti-tankët e fuqishëm, Javelinët amerikanë
