Shpërthim me eksploziv në një kolegj në Krime, 10 të vdekur
Të paktën 10 persona kanë vdekur dhe 50 të tjerë janë plagosur si pasojë e një shpërthimi në një kolegj në Krimenë e aneksuar nga Rusia.
Shpërthimi i dyshuar me lëndë eksplozive ka ndodhur në qytetin Kerç, ndërsa deri më tani nuk dihen shkaqet dhe autorët e ngjarjes.
Raportohet se para shpërthimit ka pasur edhe të shtëna me armë zjarri.
Avokati i popullit të Krimesë tha se shumica e viktimave të shpërthimit ishin studentë.
Zëdhënësi i Kremlinit Dmitri Peskov tha nuk përjashtohet mundësia që sulmi të jetë me prapavijë terroriste.
