Mbrëmjen e djeshme, të mërkurën e 3 korrik, departamenti i Mbrojtjes Civile italiane urdhëroi kalimin e alarmit për vullkanin Etna nga niveli jeshil në të verdhë, duke ftuar strukturat territoriale të mbrojtjes civile të miratojnë fazat e duhura lokale operacionale dhe masat për zbutjen e rrezikut, veçanërisht në lidhje me prania e mundshme e alpinistëve në lartësi të mëdha.
Shkak, një shpërthim i radhës vullkanik nga Etna, i cili ka krijuar edhe një spektakël të vërtetë llave për admiruesit e këtij fenomeni natyror.
Ky vendim – shpjegon Departamenti në një shënim – u miratua në dritën e vlerësimeve që dolën gjatë takimit me Qendrat e Kompetencës dhe Departamentin e Mbrojtjes Civile të Rajonit sicilian, takim i thirrur dje në mbrëmje pas aktiviteteve të vullkanit, i cili regjistroi një rritje të dridhje dhe aktivitet i shpeshtë strombolian në krateret e majës, shoqëruar me emetime të vogla llave në zonën e kraterit, me një evolucion të mundshëm të shpejtë të fenomeneve drejt një aktiviteti më energjik.
Kalimi i nivelit të alarmit bazohet në raportet e fenomenologjive dhe në vlerësimet e rrezikut të vëna në dispozicion nga qendrat e kompetencës të cilat për Etna janë Instituti Kombëtar i Gjeofizikës dhe Vullkanologjisë (Observatori Etna, Observatori Vezuvian dhe Seksioni i Palermos) dhe Cnr- Irea.
Pamjet ndërkohë kanë bërë xhiron e rrjetit dhe me ndihmën e dronëve, janë arritur të shkëputen shkrepje dhe xhirime të mahnitshme nga Etna.
Visitors led by volcanological guides admire the magnificent show of Strombolian explosions and lava cascades from #Etna's Voragine crater on the evening of 2 July 2024 pic.twitter.com/1dRsBoyMDr
— Boris Behncke (@etnaboris) July 3, 2024
Fluturimet nga qyteti më i afërt ndërkaq, Catania, nuk janë në rrezik, pasi shpërthimi nuk ka krijuar shtëllunga të mëdha me tym apo hi vullkanik në ajër.







