Shoferi i konsultatës së Kosovës në Nju Jork, dënohet me 9 vite burg
Ish- vozitësi i konsultatës së Kosovës në Nju Jork, Albert Veliu është dënuar nga Gjykata Federale në Brooklyn me nëntë vite burgim për pastrim parash dhe trafikim të armëve.
Ai është shpall fajtor për pastrim parash dhe për blerjen dhe shitjen e një raketë anti-tank dhe pushkë AK-47 në Kosovë.
“Arrestimi, dënimi dhe verdikti i sotëm i Veliut shënon një fitore të rëndësishme për zbatimin e ligjit në ndërprerjen e një rrjeti ndërkombëtar të pastrimit të parave dhe trafikimit të armëve, dhe të aftë për të siguruar një tubacion armësh vdekjeprurëse për kartelet e drogës të supozuara në Meksikë,” deklaroi Richard Donoghue, avokat i Shteteve të Bashkuara për Qarkun Lindor, më 30 janar.
Ai falënderoi gjithashtu DEA Divizionin e Nju Jorkut, Divizionin e Operacioneve Speciale DEA, Zyrën DEA në Austri, atë në Kroaci, Shërbimin e të Ardhurave të Brendshme Hetimin Kriminal, Departamentin e Hetimit të Qytetit të Nju Jorkut dhe Forcat e Policisë së Kosovës për bashkëpunimin dhe ndihmën e tyre.
“Kjo dënim nxjerr në dritë shumën e veprave penale shpesh të lidhura me pastrimin e parave, duke përfshirë grabitje, armë dhe trafik droge,” deklaroi Agjenti Special i DEA-s Donovan.
Siç ka raportuar BIRN më parë, Albert Veliu ishte shoferi zyrtar në konsullatën e Nju Jorkut të Kosovës dhe punonjës i Ministrisë së Punëve të Jashtme të Kosovës. Ai u akuzua nga Departamenti i Drejtësisë se ishte një kontrabandist armësh, shpërndarës droge dhe pastrim parash, ndërsa mbante lidhje me organizatën kriminale Cosa Nostra dhe me figurat e krimit të organizuar shqiptar në New York dhe Republikën e Qekisë.
Ai i kishte dërguar armët gjatë një udhëtimi në Kosovë në vitin 2017 para se të kthehej në Nju Jork më 21 qershor prej nga e drejtoi operacionin. Më 27 qershor, katër nga bashkëpunëtorët e tij janë arrestuar në Klinë, qytet në perëndim të Kosovës, me armë, përderisa Veliu dhe pesë të tjerë u arrestuan në Nju Jork.
Veliut i kishin thënë se karteleve meksikane të drogës u duheshin armët për ta bërë një luftë për drogën afër kufirit me Amerikën.
34 vjeçari gjithashtu dyshohet t’i ketë pastruar 800 mijë dollarë amerikanë që dyshohet të jenë fituar nga droga nëpërmjet një serie të kompanive me ndihmën e bashkëpunëtorëve, përfshirë edhe vëllain e tij, Albanin.
Alban Veliu, Dilber Kukic, Ekram Sejdija, Xhevat Gocaj dhe Agim Rugova gjithashtu akuzohen për pastrim parash.
