Vlorë

Sherr me thika në Vlorë, dy të plagosur përfundojnë në spital, një në gjendje të rëndë

Një konflikt mes dy personave në Vlorë, ka përfunduar në përdorimin e thikave, dhe për pasojë të dy kanë mbetur të plagosur. Mësohet se në lagjen ’24 Maji’, për motive të dobëta, janë konfliktuar me mjete prerëse Kujtim Saliaj, 63-vjeç dhe Jetnor Hoxha, 48 vjeç, të dy banues në Vlorë.

Të dy janë dërguar në spitalin e Vlorës dhe janë nën kujdesin e mjekëve, ndërkohë që mësohet se Kujtim Saliaj është në gjendje të rëndë, pasi ka marrë disa goditje me thika, ndërsa 48-vjeçari është në gjendje të mire. Në ambientet e spitalit ka mbërritur edhe policia.

‘Më datë 12.10.2021, rreth orës 19:00, në lagjen “24 Maji”, dyshohet se për motive të dobëta, janë konfliktuar me mjete prerëse me njeri-tjetrin shtetasit K. S., 63 dhe J. H., 48 vjeç  të dy banues në Vlorë. Si pasojë janë dëmtuar të dy këta shtetas, të cilët ndodhen në Spitalin e Vlorës, nën kujdesin e mjekëve. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.’- njofton policia.