Shërohen edhe 153 pacientë nga koronavirusi, numri i përgjithshëm arrin në 4027
Gjatë 24 orëve të fundit janë konfirmuar 153 pacientë të shëruar nga koronavirusi në Kosovë.
Lajmin e ka konfirmuar drejtori i Institutit Kombëtar të Shëndetit Publik, Naser Ramadani, përmes një konference për media.
“Gjatë 24 orëve të fundit janë shëruar 153 pacientë, numri total i të shëruarve ka arritur në 4 mijë e 27 pacientë”, ka thënë Ramadani.
Gjatë 24 orëve të fundit, janë shëruar 153 pacientë derisa numri i përgjithshëm i të shëruarve deri më sot është gjithsej 4.027 raste, kurse numri i rasteve aktive është 3.201.
