Shefqet Krasniqi: Zoti e ruajtë këtë rini e drejtoftë bashkë me këtë qeveri

Hoxha Shefqet Krasniqi  ka thënë se pushteti aktual duhet të përmbushë premtimet dhe të shfuqizojë pjesën e udhëzimit administrativ lidhur me ndalimin e shamisë në shkolla.

Krasniqi tha se Kosova banohet nga një popullatë mbi 95% muslimanë dhe kjo është e drejtë e cila nuk mund të cënohet as të negociohet.

“Flitet e bëhet thirrje për të drejta të shtazëve, të drejta të grupeve të ndryshme të cilat nganjëherë 50 veta nuk i mbledhin në tërë Kosovën ndërsa heshtin për kërkesat e komunitetit më të madh në vend. Ne kemi ngritur zërin që nga paslufta në vazhdimësi rreth kësaj çështje ashtu edhe siç kemi përkrahur të gjitha iniciativat rreth kësaj kërkese e sigurisht se e përkrahim edhe këtë iniciativë”, ka thënë Krasniqi.

Në fund, ai ka pasur edhe një lutje.

“Zoti e ruajtë këtë rini e drejtoftë bashkë me këtë qeveri, Amin!”, ka përfunduar hoxha.

Edhe kryeministri Albin Kurti, ka folur sot për inicimin e kampanjës së qytetarëve në vend për ndryshimin e udhëzimit administrativ i krijuar para 12 vjetësh për ndalimin e mbulesës në shkolla.

Kurti ka thënë se në Kosovë nuk duhet të ketë ndalim të shamisë dhe të elementeve të tjera fetare në jetën publike të qytetarëve.

Postimi i plotë:

Selam alejkum të nderuar vëllezër dhe motra.

Këto ditë është aktivizuar sërish çështja e shamisë, e drejtë kjo e garantuar nga ligji i Zotit.

Pushteti aktual politik duhet të përmbushë premtimet e dhëna në zgjedhjet e kaluara dhe të shfuqizojë pjesën e këtij udhëzimi administrativ lidhur me ndalimin e shamisë në shkolla, pasi që vendi ynë banohet nga një popullatë mbi 95% muslimanë dhe kjo është e drejtë e cila nuk mund të cënohet as të negociohet.

Flitet e bëhet thirrje për të drejta të shtazëve, të drejta të grupeve të ndryshme të cilat nganjëherë 50 veta nuk i mbledhin në tërë Kosovën ndërsa heshtin për kërkesat e komunitetit më të madh në vend.

Ne kemi ngritur zërin që nga paslufta në vazhdimësi rreth kësaj çështje ashtu edhe siç kemi përkrahur të gjitha iniciativat rreth kësaj kërkese e sigurisht se e përkrahim edhe këtë iniciativë.

Zoti e ruajtë këtë rini e drejtoftë bashkë me këtë qeveri, Amin!